TEYRNGED I GWYNFOR

Mae Plaid Cymru wedi tristhau o glywed y newyddion am farwolaeth Gwynfor Evans. Mae'r newydd wedi ei dderbyn a thristwch mawr gan bawb ym Mhlaid Cymru sydd wedi eu hysbrydoli gan Gwynfor dros y blynyddoedd, i weithio dros Gymru ac i greu cenedl y gallwn fod yn falch ohonni.

"I'r hen a'r ifanc, roedd Gwynfor Evans yn arweinydd ysbrydol ac fe fydd yn parhau i fod. Mae'n amhosibl gor-bwysleisio cyfraniad unigryw Gwynfor i adeiladu Plaid Cymru i'r blaid ydi hi heddiw. Ef oedd pensaer y Blaid Cymru fodern ac fe droth y blaid i fod yn rym etholiadol credadwy pan gafodd ei ethol yn Aelod Seneddol yn 1966.

"Mae ei ddylanwad i'w deimlo ymhell tu hwnt i ffiniau gwleidyddiaeth bleidiol. Ni fyddai Cymru y wlad yw hi heddiw - yn wir mae'n bosib na fyddai yn wlad o gwbwl - heb waith a dyfalbarhad Gwynfor.Roedd yn arweinydd cenedlaethol ymhob ystyr y gair. Bydd colled fawr ar ol ei ddoethineb a'i arweiniad ond bydd ei ysbrydoliaeth yn aros gyda ni am byth.

Dafydd Iwan, Llywydd

Jill Evans, Is-lywydd

Cynlluniwyd y wefan gan Harri Roberts adre@harrir.com 07866 383420

Website developed by Harri Roberts home@harrir.com 07866 383420